Posted in Uncategorized

Ye Tum Hi Ho Na……

Ye tum hi ho na………………
Dekhta hun khwab jiske,
Sote-jagte,
Uthte-baithte,
Waqt-bewaqt,
Khoya rahta hun jin kahyalon me,
Ye tum hi ho na……….
Meri chetna ne,
Meri kalpana ne,
Mere vicharon ke sagar me pade
Jis bejaan patthar ko,
Jinda  murat ka aakar diya hai,
Ye tum hi ho na…………..
Taja khile phulon ki khushbu,
Ghas par pade oas ki nami,
Pratah kaal suraj ki ye chamkili kiran
Aur ye thandi hawa mujhko,
Dilate hai jo ek madhur ehsaas,
Ye tum hi ho na…………………….
Dil ye mera bechain hai,
Kho gayi raton ki nind
Aur din ka sukoon hai,
Ek dard hai meetha sa,
Meri har ek pareshani ka sabab,
Ye tum hi ho na………………..
Lagakar meri bhavnaon ki menhdi,
Pahan kar mere shabdon ke jewar,
Lekar meri lekhni ka shringaar,
Taiyar hoti hai ek dulhan naveli,
Rakhta hun jisko pane ki chaah mai bharsak,
Ye tum hi ho na……………….